Uganda: Nani wa kulaumiwa?

Hii sheria ya wapi! Nafikiri wale jamaa wawili wameshapata khabari kwenye makalio yao pia

Wiki iliyopita kulikuwa na vurugu Jijini Kampala ambazo zilijitokeza baada ya Kabaka Ronald Mutebi kupigwa kizuizi na Serikali ya Uganda cha kwenda kuzuru wilaya ya Kayunga kwenye sherehe ya vijana. Kwenye wilaya hii kuna mchanganyiko wa makabila mbalimbali ikiwa ni pamoja na kabila dogo la Banyala ambao hawataki kabisa uwepo wa Kabaka.

Serikali ilidai ni kwa sababu ya kiusalama, lakini kizuizi hiki kilisababisha vifo kadhaa vya wananchi waliopinga kizuizi hicho, machafuko hayo yalienda sambamba na uharibifu wa mali pamoja na wizi.

Mimi nafikiri kuna umuhimu wa kuweka ukomo wa kiongozi, nahisi Mchungaji Yoweri amekuwa anatoa maamuzi kama vile anaongoza familia yake na kusahau kuwa Uganda ni ya waganda wote. Ni wakati muafaka wa kustaafu ili abakize kasifa fulani ambako watu watakuwa wanamkumbuka.