Member of EVRS

Showing posts with label Polisi Tanzania. Show all posts
Showing posts with label Polisi Tanzania. Show all posts

Monday, 7 June 2010

Mixed Weekend for Tanzania Football Teams

Taifa Stars (Tanzania) with blue jersey, they lost 1 - 0 to Amavubi stars (Rwanda) on the final game for CHAN finals qualifications.
Taifa stars outshined Rwanda, however they bowed to Rwanda through surprise shot in the first half which secure Rwanda place in CHAN finals. This goal left Tanzanian's goalie puzzled.

It was painful moment when the final whistle blown.
Tanzania is expecting to play Brazil on 7th June 2010 at Dar es Salaam, just a day after this match with Rwanda.

On the other side, this weekend has been good for the Tanzanian women national football team (Twiga Stars) when they secure their place for African Football championship finals which will be done shortly after the world cup in South Africa. They won by aggregate of 11 - 4.

Also within this weekend, The Copa Coca-Cola cup, Tanzania's under 17's team won 11- 0 against Malawi.

We wish all the best for Tanzanian Football team to beat Brazil in less than 24 hours from now.

Friday, 4 June 2010

Kudhibiti Uhalifu: Tanzania Yapaswa Kujifunza Kutoka Kwa Rwanda

Tukio la hivi karibuni la watu kuchoma moto kituo cha polisi huko Mkoani Kilimanjaro ni la kusikitisha sana, ukipenda waweza kuliita la kuudhi sana.

Sababu kubwa ya uchomaji wa kituo hicho cha polisi kwangu mimi siielewi, kwani taarifa zinajikanganya.

Kituoni humo walikuwepo watuhumiwa waliokuwa wanadaiwa kumteka na kumuua mtoto kwa shughuli za kafara, lakini kimsingi tuhuma hizo hazikuwa sahihi, kwani mtoto alipatikana siku iliyofuata akiwa Moshi, tena mzima na buheri wa afya!

Tukio ambalo ni la aibu, ni kuona kuwa polisi wa Tanzania hawako au hawakuwekwa katika mazingara ya kuwa imara kuweza kudhibiti wahalifu wawapo vituoni mwa polisi, kwani vituo vingi ni majengo tu, na polisi wenyewe mbali ya kuwa ni waoga, lakini pia hawana vifaa vya kujilinda kwa matukio ya uvamizi kama huo.

Lakini pia mfumo wa nchi yetu umelitelekeza jeshi la polisi wakati matukio ya uhalifu ni mengi.

Kwa mtizamo wangu ningeishauri serikali yetu kuweza kuiga mfano wa Rwanda, ambao hulitumia jeshi la wananchi wa Rwanda kushiriki katika ulinzi wa mali na usalama wa watu sehemu mbalimbali hasa nyakati za usiku, ambapo hufanya doria wakiwa wana silaha za moto za kujilinda dhidi ya waalifu na waleta vurugu.

Utakuta wanazunguka mitaani usiku, tena kwa mpango maalumu ambapo hata ukiwashambulia, huwezi kuwapata wote kwani hawaendi kiholela kama kuku. Na wanapita sehemu zote zenye mikusanyiko ya watu kama sehemu za starehe, supermarkets, makazi ya watu, hospitali kubwa na maeneo ya masoko.

Kwa Tanzania, mbali ya kuwa polisi hawatoshelezi maeneo yote, lakini jeshi hilo limeachiwa pekee jukumu la kuangalia usalama wa ndani ya nchi, ikiwa ni pamoja na kudhibiti watekaji wa magari wakati wa usiku kwenye mapori, na wakati huo huo jeshi la wananchi wapo majumbani wamelala, na hivyo kuwapa fursa kwa baadhi yao kushiriki katika uhalifu, au kupiga wananchi bila sababu za msingi.

Tunapaswa kuondoa dhana ya kuwa wanajeshi kazi yao ni kwenye vita tu, bali katika kipindi hiki cha "utulivu kwa jina" watumike katika kudhibiti matukio ya uhalifu hasa maeneo ya mipakani sehemu za Kigoma na Kagera ambako wezi hutoka nchi za jirani wakiwa na silaha nyingine za kivita na kuendesha uhalifu kwetu, na pia mijini maeneo ambayo yamekithiri kwa visa vya uporaji na kushambulia wananchi.
Kwa mantiki hii kutasaidia kuongeza amani na usalama, na pia wanajeshi watapata heshima na hadhi kwa kutimiza madhumuni ya kulinda wananchi na mali zao.

Nina hakika hili linawezekana

Sunday, 14 March 2010

Polisi Tanzania na Harakati za Kutokomeza Rushwa

Jeshi la polisi Tanzania limeweka mkakati wa kupunguza rushwa, (nasisitiza kupunguza, na sio kumaliza) katika jeshi hilo kwa kuwazawadia polisi watakaokataa kupokea rushwa na kuwafikisha watuhumiwa katika mikono ya sheria.

Zawadi wanayopewa ni sawa na kiasi walichokataa kupokea kutoka kwa mtuhumiwa.
Wikii hii tumeshuhudia askari mmoja akiwa hundi ya mfano (dummy cheque) ya kiasi cha Sh milioni 4 baada ya kukataa rushwa ya kiasi cha dola za kimarekani 3,000.
Hii inatiamoyo kwa kujenga jeshi dhubuti lenye nidhamu na uaminifu.

Pia mwezi huu tumeshuhudia watu wakikamatwa na madawa ya kulevya huko Tanga, tulimshuhudia kamanda mmoja akisema hawatajali wenye biashara hiyo ya madawa ya kulevya ni vigogo au watu wadogo, sheria ni msumeno na watashughulikiwa wote.
Pia raia mmoja wa Kenya na Mwingine wa Ujerumani walikamatwa na kiasi kikubwa cha fedha bandia za kitanzania na pia yuro na dola nyingi tu.

Bado ninajiuliza, je ni kweli jeshi la polisi limebadilika kikweli au ndio tumekaribia uchaguzi basi kila mtu anajifanya kuanza kuwajibika!!
Kwani imekuwa ni kitu cha kawaida kupeleka kesi polisi, na unaishiwa kuombwa chochote ili uwawezeshe polisi kufanya kazi yao

Siku za nyuma tulishuhudia mkuu fulani wa polisi akisema wamepokea orodha ya watu wanaojishughulisha na madawa ya kulevya, na akasema kwenye vyombo vya habari ya kuwa orodha hiyo inatisha, maana majina ya wahusika inaonekana yalikuwa ni ya watu mashuhuri, sifahamu hiyo orodha ilifika wapi maana wenye nchi walikataa kabisa kuiweka hadharani orodha hiyo kwa wananchi ili nao wawafahamu watu wanaoangamiza vijana kwa biashara yao hiyo.
Kwa sasa imekuwa kimya kabisa.

Swali kero:
Tunawazawadia polisi, ni sawa, lakini je watuhumiwa na wao watahukumiwa kihalali? Je, na wanaowatuma kuleta madawa hayo nao watashughulikiwa?
Suala la polisi kuomba rushwa, nalo limewekewa mikakati gani?

Watanzania sasa tumechoka na mikakati ya kulindana