Mlipuko Wa Volkeno Iceland Waleta Usumbufu Mkubwa Ulaya na Kwingineko

Kufuka kwa moshi na vumbivumbi la volkeno iliyolipuka huko Iceland kumesababisha hasara kubwa kwa mashirika ya ndege huko Ulaya kaskazini magharibi baada ya kufuta safari nyingi za kuruka na kutua kwenye viwanja vilivyoko huko baada ya moshi mzito wa volkano hiyo kutanda angani.

Hali hii imesababisha hofu kwa mashirika ya ndege kupita karibu na moshi huo ambao unahofiwa unaweza kuingia kwenye injini za ndege aina ya jet na kuweza kusababisha mlipuko au kuzimika ghafla kwa injini hizo na hivyo kusababisha kuanguka kwa ndege.

Wataalamu wa masuala ya jeolojia na afya wameshauri watu wakae ndani pale vumbi hilo litakapoanza kuanguka chini maana linaweza kuwa na madhara kiafya.

Picha juu: Abiria waliokwama wakiwa wamejipumzisha kwenye vitanda vya dharura uwanja wa Frankfurt, Ujerumani wakisubiri maelekezo zaidi

Habari kutoka msnbc